Шолц демантира: Нема да одам кај Путин

Германскиот канцелар Олаф Шолц и неговата партија „луто ги отфрлија“ тврдењата на Родерих Кизеветер, пренесува германското издание Билд.

Кизеветер, опозициски политичар, рече дека Шолц планира да ја посети Русија до 23 февруари, пред парламентарните избори, за да се сретне со рускиот претседател Владимир Путин.

„Тоа е лажна изјава. Не можете да направите нешто такво. Тоа е многу непристојно“, рече Шолц за Кизеветер.

Владиниот портпарол Штефен Хебестрајт, исто така, категорично ги отфрли тврдењата, нарекувајќи ги „клевета“. Тој нагласи дека не се планира ваква посета, која би била целосно беспредметна.