Шолц: Да се избегне „поширок пожар“ на Блискиот Исток

Германскиот канцелар Олаф Шолц денеска ја истакна потребата да се избегне поширок „пожар“ на Блискиот Исток, откако Хамас го нападна Израел.

Шолц рече дека денеска разговарал со израелскиот премиер Бенјамин Нетанјаху и го уверил дека безбедноста на Израел е камен-темелник на германската политика.

Тој вети дека неговата земја „ќе постапи соодветно“ и планира да разговара со египетскиот лидер Абдел Фатах ел-Сиси и да ги поддржи напорите на Каиро да посредува за деескалација на конфликтот.