Шилегов: Очекуваме следната недела да се отвори „Лајка“

Градоначалникот на Град Скопје, Петре Шилегов, денеска соопшти дека имале мал застој во доопремувањето на стационарот „Лајка“ поради вонредните состојби и епидемијата.

– На крај сме таму, се заврши со целосно опремување, деновиве треба да имаме надворешно уредување на целиот тој локалитет и негово уредување. Очекувам следната недела конечно тој капацитет да го ставиме на располагање на граѓаните на Скопје, рече Шилегов на прес-конференција одговарајќи на прашање во однос на стационарот.

Тој вели дека имајќи ја предвид и програмата што ја имаат очекува за неполна година дека стратешки ќе се реши проблемот со бездомните кучиња во градот.