Шест пожарникари со две возила го гасат пожарот на депонијата во Штип

Пожар беснее на територијата на градот Штип, поточно гори депонијата „Трештенска Скала“.

Регионалниот центар за управување со кризи – Штип извести дека во 13:25 часот започнат е пожар на депонија „Трештенска Скала“ во близина на градот Штип.

„Пожарот е проширен надвор од депонијата и зафатена е ниска вегетација, а во мометот интервенираат 6 пожарникари со 2 противпожарни возила од ТППЕ Штип“, соопшти РЦУК  Штип.

Од Штипската противпожарна бригада се повикани и останатите пожарникари да се вклучат во гасење на пожарот.