Шест лица се ранети во напад пред судска зграда во Истанбул, напаѓачите се убиени

Шест лица, меѓу кои тројца полицајци, се ранети денеска при пукање пред судот во Истанбул, соопшти турскиот министер за внатрешни работи Али Јерликаја, додавајќи дека двајца напаѓачи се убиени.

Јерликаја рече дека е направен обид за напад на контролниот пункт пред капијата на судот Чаглајан во Истанбул и дека двајца напаѓачи, жена и маж, се убиени, пренесува Хабер Турк.

Според него, било утврдено дека напаѓачите биле членови на екстремно левичарската Револуционерна народноослободителна партија/фронт (ДХКП/Ц).

која Турција ја класифицира како терористичка организација.

Министерот за правда Јилмаз Тунч го осуди вооружениот напад и изјави дека обвинителството покренало истрага за нападот, пренесува Танјуг.