Шекеринска: Ќе бараме помош од Меркел, тоа ќе стигне и до Атина

Вицепремиерката Радмила Шекеринска во вечерашното гостување на ТВ 24 рече дека на претстојната средба со Ангела Меркел ќе побараат помош за влез во НАТО и почеток на преговорите со ЕУ.

-Ќе бараме помош од Меркел за нашата крупна цел: влез во НАТО и почеток на преговори со ЕУ. Германија е строга во однос на прием на нови членки. За да бараме помош од Меркел, треба да излеземе со резултати. На седум месеци од изборот на Владата, премиерот Заев доби шанса за средба со Меркел. Тоа секако ќе стигне до Атина. Сепак, не треба да очекуваме дека Меркел е Супермен и ќе го реши проблемот, изјави Шекеринска.