Шекеринска: Две и пол години се мачевме за правда, веќе нема оправдување за судиите и обвинителите

Две и пол години се мачевме да се донесе Закон за Јавно обвинителство, се трудевме да се применат препораките на Прибе и да се направи систем кој ќе гарантира правда, истакна носителката на пратеничката листа на СДСМ во петтата изборна единица Радмила Шекеринска синоќа во Ресен.

-И да, и ние сме разочарани заради тоа што оние кои требаше да испорачаат правда, а тоа се само обвнители и судии, не побрзаа тоа да го сторат, се трудеа да калкулираат, се трудеа да бегаат од одлуки, затоа ги донесовме сите Закони, изградивме темел во кој оправдување веќе нема да бидат можни – рече Шекеринска.

Таа додаде дека од тие причини побарале мониторинг од ЕУ врз сите случаи на корупција и голем криминал.