Шекеринска: Додека јавноста ги гледа жените низ сексистичка призма, нема да видиме жени на одлучувачки позиции

Некогашната министерка за одбрана Радмила Шекеринска на својот Фејсбук профил се произнесе со поддршка за министерката за одбрана, Славјанка Петровска, која беше мета на недолични коментари во изминатите неколку дена.

„Застануваме солидарно зад Славјанка Петровска, зашто ниедна жена не треба да биде мета на родово базиран говор на омраза. Изминатиов период повторно гледаме што сѐ ѝ се случува на една жена која има јавна професија и професионално си ја извршува работата. Сè додека јавноста ги гледа жените единствено низ сексистичка призма, ниту ќе видиме повеќе жени на одлучувачки позиции, ниту ќе се искорени објективизацијата на жените во сите полиња на нејзиното постење, напиша Шекеринска.