Се ближи божиќниот собир на британското кралско семејство во Сандрингем. Од минатиот месец се шпекулира со списокот на гости, како и кој од семејството ќе дојде на оваа церемонија.
Принцот Вилијам рече дека овојпат ќе биде многу бучно:
„Ќе бидеме во Норфолк, во Сандрингем. За Божиќ ќе бидеме 45 луѓе. Нема да биде тивко, ќе биде бучно“, рече тој.
Се шпекулира дека покана добила и Лаура Лопес, ќерката на кралицата Камила од првиот брак со Ендрју Паркер Боулс.
„Вилијам и Лаура имаа страшна борба околу тоа кој е виновен за нивните уништени семејства. Вилијам ја обвинил Камила за сета болка што и ја предизвикала на неговата мајка, принцезата Дијана, што ја налутило Лаура, која зазела тврд став и му одговори на Вилијам: „Татко ти ми го уништи животот“, пишува „Mirror“.
Сепак, се чини дека нивниот однос оттогаш значително се променил, а доказ за тоа е фактот што ќерката на Лаура беше слугинка на венчавката на принцот Вилијам и Кејт Мидлтон во 2011 година.
Инаку, Лаура од 2006 година е во брак со овластениот сметководител Хари Лопес, со кој има три деца.