Семејството, роднините, пријателите и колегите од естрадата и од актерската фела денес за последен пат се простија од Влатче Морал како што го нарекуваа, најубавиот дечко од естрадата, со најубавите сини очи. Неверица, болка и тага денес се измешаа на последното испраќање на гробиштата во Ѓорче Петров во Скопје, објавува Независен весник.
-Влатче беше срце дечко, секогаш со енергија и харизма. Културен и воспитан. За секого имаше убав збор, планови за музичката кариера. Не веруваме дека го нема. Многу уникатен рок пејач, знаеше да повлече на бина и да не мотивира сите. Ќе ни фалат неговите шеги, имаше добра смисла за хумор. Направи соло кариера што многу пејачи посакуваат да ја имаат. И, да не се заборави, ТОЈ прв ја наполни Арената Борис Трајковски со 9,10 илјади луѓе. Ќе ни фали многу, секогаш насмеан, фин и спремен, коментираа денес на погребот со насолзени очи, неговите колеги и пријатели.
ФОТО: Б. Грданоски (Независен весник)