Села: Заев да оди во опозиција заедно со партнерите

Лидерот на Алијансата за Албанците, Зијадин Села, вели дека за освоените 20.000 гласа помалку на овие локални избори во однос на ланските парламентарни избори виновни се сите партиски активисти.

-Падот го плаќаме јас и секој активист кој ја презел обврската и со слободна волја прифатил да биде член на Алијансата за Албанците. Значи сите – рече Села на Алсат.

Тој рече дека не би влегол во предизборна коалиција со ВМРО-ДПМНЕ со заеднички листи, но ја поздрави одлуката на премиерот Зоран Заев да си поднесе оставка.

-Тоа е чин што му припаѓа на секој што е вклучен во политиката да направи таков чин. Јас немам зошто да го бранам, само ја поздравувам неговата оставка и заедно со партнерите да оди во опозиција – нагласи Села.