Села: Верувам дека ќе победиме во војната со корона вирусот

– За Алијансата на Албанците важна е безбедноста на граѓаните. Нормално е да не се става во опасност здравјето на граѓаните. Ние одговоривме на поканата на претседателот за средба и сме за одложување на изборите на 12 април. Изборите ќе се одложат, но формата треба да ја најде експертскиот тим, експерти по уставно право. Ситуацијата треба да се сфати сериозно. Сакам да апелирам до Владата во врска со проблемите кои се појавуваат со пандемијата со коронавирусот. Има две жаришта каде е органичено движењето и слободата на граѓаните, Дебар и Центар Жупа. Владата да биде повнимателна, бидејќи покрај формите за ограничување на движењето мора да има во предвид дека тука има граѓани кои се хронично болни и кризните штабови да ги снабдува со лекови – рече Села.