Села ќе биде носител на пратеничка листа на „Европскиот фронт“ во петтата изборна единица

Зијадин Села од Алијанса за Албанците ќе биде носител на пратеничката листа во петтата изборна единица како дел од коалицијата „Европски фронт“ предводена од ДУИ.

Ова, како што пренесува МИА, денеска го соопштил лидерот на ДУИ, Али Ахмети, по потпишувањето на коалицискиот договор со Движењето на Турците на Македонија за правда и демократија.

Информацијата дека Села ќе биде носител на пратеничката листа на коалицијата „Европски фронт“ во изборната единица 5, неофицијално за „360 степени“ ја потврдиле и од Алијанса за Албанците.