Полицаец во бугарскиот град Пловдив вчера попладне бил застрелан од неговиот 7-годишен син на работното место.
Ова доцна синоќа го изјавил директорот на пловдивската полиција, високиот комесар Георги Чергов по повод тешкиот инцидент во кој полицаец беше застрелан од неговото 7-годишно дете на работното место.
Чергов пријавил дека вчера попладне бил известен дека 49-годишниот полицаец од Полициската служба во Пловдив, Николај Филипов, кој е инструктор по стрелање во екипата „Посебни тактички дејствија“, бил застрелан од неговиот 7 -годишен син.
Инцидентот се случил во делот за одмор на полицајците после работа во секторот, кој се наоѓа веднаш до базата, прецизира БНР.
Детето го пронашле колегите на полицаецот во ходникот.
„Во предворјето, каде што се наоѓаат и шкафчињата за личните работи на вработените, го забележале детето на нивниот колега како држи пиштол во рацете, стапиле во контакт со него, мирно го одзеле пиштолот, го неутрализирале и ја известиле управата, а на лице место била пронајдена и прострелна рана на колегата, која довела до смртоносен крај“ – појаснил Чергов.
Веднаш започнале процедурално-истражните дејствија, обезбеден е психолог за работа со детето и потребните вештаци од истражната група.
Истите се извршени под надзор на обвинител од Окружното обвинителство и нивната анализа ќе продолжи во рамките на поведената предистражна постапка. Сите вработени на територијата на СЈО се легитимирани и ќе бидат сослушани, голем број од нив веќе се сослушани.
