Се запали куќа во Делчевско, загина 37-годишник

Пожар утрово изби во селото Чифлик, Делчевско, а притоа едно лице го загуби животот.

Според информациите од Центарот за управување со кризи, противпожарните екипи интервенирале од 5 до 9 часот, а куќата целосно изгорела.

„Најдено е целосно изгорено машко тело родено 1988 година кое живеело само и имало здравствени проблеми“, информираа од ЦУК.

Телото е однесено на обдукција.

Причина за пожарот е непозната.