Се судрија две возила кај Дебар, има четворица повредени

МВР информира дека рано утринава во 00.10 часот во СВР Тетово било пријавено дека на регионален пат Мавровска крстосница – Дебар се случила сообраќајна несреќа помеѓу патничко возило „ауди“ со тетовски регистарски ознаки, управувано од А.Ф.(23) од с. Мала Речица, тетовско и патничко возило „бмв“ со дебарски регистарски ознаки, управувано од Д.Ј.(33) од Дебар.

Во несреќата со тешки телесни повреди се здобила Ф.Д.(22) од Дебар, сопатничка во возилото „ауди“, додека со телесни повреди се здобиле двајцата возачи и сопатничката во возилото „ауди“ – С.Ф.(44) од Тетово, констатирани во болницата „Свети Еразмо“ во Охрид и во Медицински центар во Гостивар.

Увид на местото на несреќата извршила екипа од ОВР Гостивар.