Се судрија два училишни автобуси во Франција, повредени се 20 деца

Осум тинејџери се хоспитализирани откако во понеделникот се судрија два училишни автобуси во градот Лузарчес во регионот Вал д’Оаз.

До судирот дошло околу 17:00 часот кога две возила превезувале вкупно 32 основци и средношколци, пишува весникот Паризиен.

Според првите информации, возачот на автобусот закочил или забавил, што го изненадило возачот кој го следел и потоа удрил во задниот дел од првиот автобус.

Вкупно 20 ученици се полесно повредени.

Осуммина беа итно пренесени во болница, жалејќи се особено на болки во вратот.

Полицијата отвори истрага за инцидентот.