Се судрија два автомобили во Скопје, повреден е 38-годишен пешак

МВР информира дека синоќа во 21.20 часот во СВР Скопје било пријавено дека на ул. „Методија Андонов Ченто“ во Скопје се случила сообраќајна несреќа во која учествувале патничко возило „фиат пунто“ со скопски регистарски ознаки, управувано од Н.Ј.(27) од Скопје, патничко возило „опел корса“ со скопски регистарски ознаки, управувано од П.Ј.(44) од Скопје и пешакот А.Д.(38) од Скопје.

Во несреќата со тешки телесни повреди се здобил пешакот А.Д., констатирани во Комплексот клиники „Мајка Тереза“.

Извршен бил увид од увидна екипа од СВР Скопје.