Се судрија бродови во Будимпешта по што еден потона, седум лица починаа, по 19 се трага

Седум лица загинаа додека 19 се водат за исчезнати откако се судрија два брода во Дунав во центарот на Будимпешта. Полицициски екипи, спасувачи и екипи на Брза помош од синоќа се на местото на несреќата.

Сударот се случил околу 21.00 часот недалеку од Парламентот на Унгарија, по што еден од бродовите се превртел и потонал. Како што јавуваат унгарските медиуми на овој брод имало претежно туристи, односно околу 33 патници од Азија.