Се роди првото бебе од сурогат мајка во Македонија

Се роди првото бебе од сурогат мајка во Македонија, по речиси три години откако државата со закон го дозволи сурогатството. Бебето ги носи гените на биолошките родители, сурогат-мајката е само икубатор, објави Нова Македонија

Според информациите на весникот, сурогат-мајка била 44-годишна жена. Таа се нафатила да ја износи бременоста затоа што биолошката мајка немала матка. Гинекологот доц. д-р Зоран Петановски и медицинскиот тим што го предводел тој направиле ин витро со јајце-клетки на биолошката мајка и со сперматозоиди на нејзиниот сопруг, а потоа оплодени ембриони вметнале во матката на 44-годишната жена. Ин витрото било успешно и по девет месеци се родило бебето. Сите се во одлична здравствена состојба.