Се работи за незрело однесување, нема никаков основ за интерпелација на Гаши, рече Мицкоски

Премиерот Христијан Мицкоски рече дека нема никаков основ за интерпелација на претседателот на Собранието Африм Гаши. Тој нагласи дека пратеничката група на ВМРО-ДПМНЕ нема да поддржи таква интерпелација.

– Апсолутно, нашиот став е јасен како ВМРО-ДПМНЕ и како пратеничка група на коалицијата „Твоја Македонија“ предводена од ВМРО-ДПМНЕ дека ова е незрело, би рекол глупаво однесување на коалицијата СДСМ, ДУИ и Левица и дека апсолутно нема никаков основ за интерпелација на спикерот Гаши. Ние нема да ја поддржиме таквата иницијатива, изјави Мицкоски.