Се преврте цистерна со плин во Битолско – возачот е полесно повреден

Цистерна со плин се преврте на патот во близина на битолското село Вашарејца, информираат од Центарот за управување со кризи (ЦУК).

Возачот на цистерната се здобил со полесни повреди и од страна на Итната медицинска помош е пренесен во битолската Клиничка болница.

Сообраќајната несреќа се случила утрово во 09:30 часот по што веднаш била известена Територијалната противпожарна единица Битола.

На местото биле испратени четири пожарникари со едно противпожарно возило.

Екипи на Министерството за внатрешни работи се излезени на терен, а за подигнување на цистерната се чека механизација.