Се породи жената која го преживеа руското бомбардирање во Мариупол

Бремената Украинка Маријана Подгурскаја која го преживеа бомбардирање на детската болница во Мариупол денеска роди здраво девојче во друга болница во опколениот град на Азовско Море.

Амбасадата на Русија во Лондон тврдеше дека Подгурскаја е актерка и не е повредена. Сепак два дена по гранатирањето жената која беше фотографирана повредена, роди здраво женско дете.

Инаку, во средата гувернерот на областа Доњецк, каде што се наоѓа Мариупол, изјави дека во бомбардирањето на детската болница, во која спаѓа и породилиштето, се ранети 17 лица, а меѓу ранетите има и една жена која се породила.