Се одложи судењето за „Труст“, се разболе адвокатката Алексиќ

Бизмисменот Сеад Кочан денеска се појави во Кривичниот суд каде што му се суди за случајот „Труст“ на СЈО, но судењето се одложи бидејќи адвокатката Сања Алексиќ се разболела. Таа ја известила судијката дека нема да дојде, поради што денешното рочиште се одложи, а наредното е закажано за 20 февруари.

Алексиќ во овој случај го застапува второобвинетиот Василије Авировиќ.

Овој предмет е во завршна фаза, бидејќи откако ќе се изведат доказите на одбраната, ќе следуваат завршни зборови и пресудата. Според обвинението, осомничените со фалсификувани документи местеле тендери во ЕЛЕМ и го оштетиле буџетот за 17 милиони евра.