СДСМ го поздрави епилогот од вчерашната лидерска средба.
-Повторно покажавме државнички капацитет и уште еднаш потврдивме дека иднината на граѓаните и интересот на државата се на прво место. Затоа и предложивме обединување околу европскиот концепт, ВМРО-ДПМНЕ да се приклучи во обединета Влада за европска интеграција на паритетна основа, велат од владеачката партија.
Од „Бихаќка“ го поздравуваат тоа што ВМРО-ДПМНЕ не е против уставните измени.
-Дијалогот треба да продолжи за на крајот сите да изградиме заеднички став дека за земјава е најдобро да биде интегрирана во ЕУ. Одлуката за ЕУ треба да е заедничка, затоа и повикуваме на обединување околу стратешкиот правец на земјата, за обезбедување европска иднина и исполнување на уште една стратешка цел, членство во ЕУ. Македонскиот јазик и идентитет се заштитени, нагласија од СДСМ преку соопштение.