Владата предводена од СДСМ и надлежното министерство, продолжуваат со грижата за земјоделците и обезбедување загарантиран откуп на производството, велат од владејачката партија.
„Како што информира Министерството за земјоделство шумарство и водостопанство, откупени се 90 отсто од договорените количини тутун од реколтата 2018.
Просечната цена изнесува 214,36 денари за предаден килограм, а од откупните претпријатија на тутунопроизводителите досега им се исплатени над 5 милијарди денари.
Покрај тоа и за оваа реколта на тутун обезбедени се субвенции од 60, 70 и 80 денари по килограм во зависност од класата на тутунот.
Владата предводена од СДСМ останува посветена на мерките и политиките што го унапредуваат земјоделието и обезбедуваат повеќе пари кај секој земјоделец“, додаваат од СДСМ.