СДСМ: Обвинителството да го повика Мицкоски на сослушување за информациите за дестабилизација

by Fokus

Мицкоски од вчера молчи на повиците на СДСМ и претседателот Филипче да ги објави наводните информации за дестабилизација на државата од страна на политичка партија. Доколку Мицкоски вистински поседува информации тој е должен итно да ги информира институциите, изјави портпаролката на СДСМ, Богданка Кузеска за обвинувањата на лидерот на ВМРО-ДПМНЕ и партијата дека ДУИ заедно со СДСМ подготвуваат дестабилизација на земјата на есен.

-Премиер кој кажува дека има информации за нарушување на безбедносната состојба и мирот во земјата, а ништо не презема околу тоа е директен соучесник на евентуално сценарио. Доколку тоа го прави само а да ги заплаши граѓаните и да манипулира со нивните чувства обидувајќи се да ја смени темата од скандалите кои ја пратат неговата влада, тогаш станува збор за човек кој му мисли лошо на својот народ.

Секоја најава за дестабилизација значи грч за граѓаните, грч за економијата, страв и тензија во општеството. Доколку тоа Мицкоски го прави без основа и без да преземе конкретни чекори, Мицкоски е тој што дестабилизира. Бараме итно да се произнесе прецизно по ова тврдење, бараме Силјановска Давкова да го свика Советот за безбедност ако е воопшто конституиран. Бараме обвинителството да покрене истрага и да го викне Мицкоски на сослушување, изјави Кузеска.

Поврзани новости