СДСМ: Конвенцијата на ДПМНЕ е најобична фарса, Мицкоски веќе го избрал својот кандидат за претседател

Денешната Конвенција на ВМРО-ДПМНЕ е најобична фарса. Антизападниот Христијан Мицкоски сам го одбира неговиот кандидат или кандидатка. Денеска е само официјализацијата, реагираат од владејачката СДСМ.

„Тоа го потврдуваат и информациите објавени во дел од медиумите блиски до опозицијата, според кои, на конвенцијата е преполовен бројот на делегати кои се ибрани лично од Мицкоски. Останува јавноста да види дали некој од кандидатите јавно ќе се огради од деструктивните, анти НАТО и анти ЕУ активности и политики на Никола Груевски и Ѓорѓе Иванов. Во најмала рака, граѓаните очекуваат оградување од ставовите и осуда на говорот на омраза и поделбата на граѓаните – се наведува во партиското соопштение од СДСМ.