СДСМ: Ќе добиеме мандат за нова влада, ВМРО мирно да оди во опозиција!

Промените доаѓаат бидејќи ќе има конститутивна седница и мандат за составување на нова реформска Влада на граѓаните на Македонија, најавуваат од СДСМ.

„Ова може да го види целата домашна и меѓународна јавност, освен Никола Груевски и криминалното раководство на ВМРО-ДПМНЕ, кои во обид да се спасат од одговорност прават поделби и шират омраза меѓу граѓаните, и за тоа дури злоупотребуваат и деца. Груевски и ВМРО-ДПМНЕ мора да се вразумат, да прифатат дека граѓаните не ги поддржуваат и се опозиција и да овозможат мирен трансфер на власта“, порачаа од партијата на Зоран Заев.