СДСМ и ДУИ 7 години не направија ниту еден автопат, се што правеа беа само калкулации за криминал и профит на поединци. Автопатот од Скопје до Блаце во должина од само 10 километри е испроектиран по траса која ќе ја чини државата 300 милиони евра, изјави Бране Петрушевски, пратеник на ВМРО-ДПМНЕ.
-Избрана е траса по која одредени луѓе непосредно пред да почне проектот купувале имоти. Очигледно е дека врвот на ДУИ и СДС сакал сериозно да профитира од експропријацијата и траса со многу тунели. За ова е информирано ЈО и очекуваме постапки. Народот очекува одговори дали претходната власт сакала да инкасира милиони преку блиски лица – рече тој.
Според него, Македонија нема 300 милиони евра за, како што вели, фрлање на автопат од само 10 километри.
-Трасата треба да се препроектира и да се добие автопат по далеку помала цена. Загуба за државата нема да има никаква, ќе има само за луѓето блиски до поранешната власт кои сакале да инкасираат милиони. Недозволиво е да се трошат стотици милиони евра за проекти кои може да чинат многу помалку. СДС и ДУИ не работеле за да направат автопат туку за да профитираат. Неодговорното и неспособното однесување заврши со нив – посочи пратеникот.