СДСМ: Граѓаните ќе му испорачаат фактура на Груевски на локалните избори

На претстојните избори, граѓаните на Груевски и на крадоначалниците од ВМРО-ДПМНЕ ќе им ја испорачаат фактурата за нивното децениско коруптивно и расипничко владеење со што ги осиромашија граѓаните и државата, реагираат од СДСМ на изјавата на Никола Груевски дека премиерот Заев со мигрантите треба некому да испочара фактура.

-Граѓаните одамна се свесни дека населувањето и вработувањето мигранти и бегалци посотои само во пропагандата на Груевски. Македонија е и ќе остане само транзитна земја. За да се докаже апсурдноста и бесмисленоста на пропагандата на Груевски, СДСМ веќе јавно соопшти дка ќе гласа За на претстојните референдуми кои случајно или не, се организираат само онаму каде што ВМРО-ДПМНЕ знае дека убедливо ќе загуби. Граѓаните повеќе не му веруваат на Груевски кој од една страна глуми загриженост за граѓаните, а во меѓувреме се противи тие да добиваат повисока минимална плата. Граѓаните повеќе не му веруваат на ВМРО-ДПМНЕ кое додека шири лажна грижа за економијата, одбива да плати данок кон државата, се вела во реакцијата од СДСМ.

СДСМ: Граѓаните ќе му испорачаат фактура на Груевски на локалните избори

Заев се сретна со ректорот на Универзитетот на Југоисточна Европа

Зврлевски поднел барање за апанажа

Поврзани новости