СДСМ го прашува Мицкоски дали се видел со Груевски во Будимпешта?

Христијан Мицкоски да не се крие зад статуси на социјалните мрежи со кои се обидува да избега одговори на прашањата за кои треба да се изјсани, реагираат од СДСМ откако лидерот на ВМРО-ДПМНЕ преку фејсбук статуси бара одговорност за аферата „Рекет“.

„Како што призна еднаш, треба да излезеш пред граѓаните и да одговориш. Дали си се среќавал со Никола Груевски во Будимпешта? Дали во Унгарија и во Словенија си се гледал со уште некој и кој е тој? Каква врска имаш со новинарот од италијанскиот весник? Граѓаните, јавноста, очекуваат одговори на овие прашања“ велат од владејачката партија.