Државниот завод за ревизија денеска ги објави ревизорските извештаи од извршената ревизија на финансиските извештаи на сметките за редовно работење на осум политички партии: ВМРО-ДПМНЕ, СДСМ, ДУИ, БЕСА, Алијанса за Албанците, ДПА, ГРОМ и ДНЕТ (Движење за национално единство на Турците).
Од сите овие партии, ДЗР даде мислење без резерва за вистинито и објективно прикажување на финансиските
извештаи и за усогласеноста на финансиските трансакции со релевантната законска регулатива, упатства и воспоставени политики само за БЕСА и ГРОМ.
СДСМ, ВМРО-ДПМНЕ и ДУИ добија мислење со резерва за вистинитоста и објективноста на податоците во своите финансиски извештаи.
Додека ДПА, Алијанса за Албанците и ДНЕТ добија неповолно мислење кое ДЗР го бележи со црвена боја.
