Американскиот претседател Доналд Трамп викендов ќе воведе нови царини за Канада, Мексико и Кина.
Тарифите би можеле да имаат широко распространети ефекти врз економијата, проценува американскиот CNN.
-Можам да потврдам дека утре, 1 февруари, сè уште важи, што е крајниот рок што претседателот Трамп го постави во изјавата пред неколку недели – изјави за новинарите портпаролката на Белата куќа, Каролин Левит.
Таа прецизираше дека царините од 25 отсто ќе важат за Мексико и Канада, а царина од 10 отсто за Кина.
Левит рече дека царините за Кина се воведуваат „поради нелегалниот фетанил од кој е изворот и чија дистрибуција во нашата земја ја дозволила и кој уби десетици милиони Американци“.
-Ова се ветувања дадени и исполнети ветувања – додаде Ливит.
Сепак, таа не изнесе нови детали за новите царини, па не се знае, на пример, дали тие ќе важат за нафтените деривати и дали ќе има некакви исклучоци.