САД тајно ја охрабрува Украина да сигнализира отвореност за преговори со Русија, објави Вашингтон пост.
Од друга страна, Стејт департментот јавно соопшти дека Москва ја ескалира војната и дека не сака сериозно да се вклучи во мировни преговори.
Весникот цитира неименувани извори кои велат дека барањето на американските официјални лица немалe цел да се турне Украина на преговарачка маса, туку се работи за пресметан обид да се осигура дека Киев ќе ја задржи поддршката од другите нации.
Официјални претставници на САД и Украина признаа дека забраната на украинскиот претседател Володимир Зеленски за разговори со рускиот претседател Владимир Путин предизвика загриженост во делови од Европа, Африка и Латинска Америка, каде што најмногу се чувствуваат ефектите од војната врз трошоците за храна и гориво.
„Украинскиот замор е реалност за некои од нашите партнери“, изјавил неименуван американски официјален претставник.
На 4 октомври, Зеленски потпиша декрет со кој официјално се изјавува дека какви било разговори со Путин се „невозможни“, но сепак ја остава отворена вратата за разговори со Русија.