Администрацијата на американскиот претседател Џо Бајден денеска објави документ кој претставува нов план за борба против корупцијата на глобално ниво.
Првата стратегија на САД за борба против корупција го наведува пристапот на цела влада, со посебен акцент на подобро разбирање и одговор на „транснационалните закани, вклучително и преземање дополнителни чекори за намалување на способноста на корумпираните актери да ги користат американските и меѓународните финансиски системи за прикривање и перење корумпирани средства“, пишува на веб-страницата на Белата куќа.
За спроведување на планот, стратегијата ги насочува напорите на американската влада во борбата против корупцијата во рамки на пет столба кои меѓусебно се зајакнуваат.
– Иако САД долго време се лидер во глобалната борба против корупцијата, справувањето со заканата како императив за национална безбедност бара изменет пристап, објавено е на веб-страницата.
Борбата против корупцијата на глобално ниво ќе опфати воведување санкции против функционери на други земји и лица обвинети за корупција и кршење на човековите права.