САД со предупредување до Кина

САД ја предупреди Кина дека ќе сноси сериозни последици доколку обезбеди оружје за руската инвазија врз Украина.

Вашингтон и сојузниците во НАТО се обидуваат да ја одвратат Кина од воена помош за Москва, бидејќи се сомневаат дека Пекинг размислува да обезбеди оружје, вклучително и беспилотни летала.

-Пекинг ќе мора да донесе одлуки за тоа како да продолжи, дали ќе обезбеди воена помош, но ако оди по тој пат, ќе ја плати цената, изјави за Си-Ен-Ен советникот за национална безбедност на Белата куќа, Џејк Саливан.