САД обвинија три лица за обид за убиство на американско-иранска новинарка

Американските федерални истражители обвинија тројца членови на источноевропска криминална организација поврзана со иранската влада за заговор за убиство на американскa новинарка и активистка со иранско потекло, објави министерот за правда Мерик Гарланд.

Рафат Амиров, Полад Омаров и Калид Мехдијев се обвинети дека биле платени за убиство и перење пари за нивната улога во заговорот зад Техеран, се вели во соопштението за печатот од министерството за правда, пренесе „Гласот на Америка“.