Полициските сили на Русија уапсиле и отстраниле околу 5.500 демонстранти со камиони, вклучувајќи 83 новинари, кои протестирале против апсењето на опозицискиот демократски лидер Алексеј Навални низ Русија, барајќи политички слободи и „промена на власта “.
Медиумите потсетуваат дека цела недела пред протестот, кој повторно не бил одобрен од властите, имало апсења и претреси на многу соработници и симпатизери на Навални, а некои биле ставени во домашен притвор.
На денот на протестот во Москва, полицијата го блокира пристапот до центарот на градот затоа што биле најавени протестни прошетки околу седиштето на разузнавачката служба ФСБ и на Стариот плоштад, каде се наоѓаат канцелариите на претседателската администрација на Путин.
Како резултат, дури 11 метро станици во центарот на градот биле затворени, многу тротоари и улици блокирани, а повеќето продавници во областа не работеле. Демонстрантите прибегнаа кон „белоруска тактика“ – се распрснале на одредени точки околу градот во мали групи со цел да ги растераат безбедносните сили во исто време.
Според руските медиуми, полицијата, односно специјалните единици на ОМОН, не се двоумеле да користат палки и електрични удари, а во Санкт Петербург и солзавец. Портпаролот на Кремљ Дмитриј Песков изјави дека полицијата „дејствувала жестоко, но во границите на овластувањата и законот“ затоа што протестите не биле одобрени.