Рускиот нобеловец Муратов: Се срамам од инвазијата врз Украина

Рускиот новинар и добитник на Нобеловата награда за мир Дмитри Муратов изјави дека се чувствува тажен и срам поради руската инвазија на Украина, пренесува Би-Би-Си.

-Освен тагата, јас и моите колеги се срамиме.  Што е следно – нуклеарен напад? Владимир Путин си игра со нуклеарното копче како со клучевите од автомобилот, рече Муратов.

Тој најави дека следниот број на рускиот весник Нова Газета ќе биде двојазичен, на руски и на украински.

-Украина не е наш непријател и украинскиот јазик не е непријателски јазик, рече тој.