Русија: Во борбена готовност ги ставивме ракетите Сармат

Шефот на руската вселенска агенција Роскосмос денеска изјави дека интерконтиненталните балистички ракети „Сармат“, кои можат да носат десет или повеќе нуклеарни боеви глави, се ставени во борбена готовност, пренесе државната новинска агенција РИА.

Рускиот претседател Владимир Путин постојано се закануваше од почетокот на војната во Украина дека Русија ќе ги искористи сите средства, вклучително и нуклеарното оружје, за да го одбрани својот територијален интегритет.

Минатата година тој рече дека украинските територии кои Русија ги освои и сега ги смета за свои се под нуклеарниот чадор на Москва.