Русија се согласи да дозволи пристап на украински тим до далноводите во Чернобил

Руското Министерство за одбрана денеска соопшти дека се согласило на украинскиот тим за поправки да му дозволи пристап до далноводи во областа околу нуклеарната централа Чернобил, објави новинската агенција Интерфакс, пренесува Хина. Информацијата е објавена без дополнителни детали.

Агенцијата на ОН за атомска енергија претходно соопшти дека поради инвазијата на Русија врз Украина ја влошила нејзината комуникација со нуклеарната централа Чернобил и централата Запорожје и дека ситуацијата е загрижувачка.