Мостот што ја поврзува јужна Украина со полуостровот Крим што го анектираше Русија е тешко оштетен и моментално не може да се користи“, изјави денеска локален функционер назначен од Русија.
„Не може да се користи“, изјави Владимир Салдо, проруски гувернер на регионот Керсон, додавајќи дека мостот Чонгар ќе биде затворен за сообраќај околу 20 дена.
„Мостот претрпе поголема штета отколку што прво мислевме. Поправките се во тек“, рече Салдо.
Руските власти вчера објавија дека Украина истрелала проектил кон мостот Чонгар кој поврзува делови од областа Керсон под руска контрола со полуостровот Крим и дека најверојатно во нападот биле користени ракети од „Олуја сенка“.
Руското Министерство за надворешни работи денес соопшти дека го проширува списокот на луѓе на кои им е забрането да ја посетат Русија како одговор на новиот пакет санкции од ЕУ. Се додава дека на списокот има безбедносни службеници, државни службеници, бизнисмени и членови на Европскиот парламент.
Денес ЕУ официјално го усвои 11-тиот пакет санкции против Русија поради нејзината инвазија на Украина.