Руперт Мардок денес објави дека ќе се повлече од функцијата претседател на Фокс корпорација и Њус корп., јави Си-Ен-Ен.
-За целиот мој професионален живот, секојдневно се занимавам со вести и идеи, а тоа нема да се промени, напиша Мардок во белешката до вработените.
-Но, вистинското време е за мене да преземам различни улоги, знаејќи дека имаме навистина талентирани тимови, изјави тој.
Неговиот син Лахлан Мардок ќе стане единствен претседател на двете компании. Руперт Мардок го нарече својот син страствен, принципиелен лидер.
Фокс њуз го објави пензионирањето на Руперт Мардок во својот етер во четвртокот наутро, при што водителот Бил Хемер го пофали основачот на мрежата.
-Руперт Мардок го создаде сето ова и многу повеќе низ Америка и светот, рече Хемер.
-Неговото животно дело остави неизбришлив печат на глобалниот медиумски пејсаж. Неговите придонеси се безбројни и извонредни и му благодариме што ни дозволи да бидеме дел од сето тоа, додаде тој.