Притворената екс специјална јавна обвинителка, Катица Јанева, денеска ќе биде однесена на кардиолошки преглед во приватната клиника „Жан Митрев“. Нејзината адвокатка, Ирена Фрчкоска, потврди за „Фокус“ дека на Јанева и е одобрено барањето да се јави денеска на кардиолошко-интернистички преглед во клиниката. Како што вели Фрчкоска, Јанева е во многу лоша здравствена состојба.

-Има висок притисок и општа анксиозност, здравствената состојба и е многу лоша. Ќе видиме подоцна што ќе кажат докторите околу дијагнозата – вели Фрчкоска.

Ова е прв преглед на Јанева надвор од затворската амбуланта. Таа претходно од таму добиваше третман и терапија за нејзината состојба.

Адвокатите на Јанева претходно побараа мерката притвор да и биде заменета со мерка куќен притвор, но судот не го прифати ова барање.

М.В.

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.