Розов октомври – месец за подигање на свеста за ракот на дојката

Meѓународната здравствена кампања за подигање на свеста за ракот на дојка што се одржува секој октомври, има за цел да промовира скрининг и превенција на болеста, која погодува 2,3 милиони жени ширум светот.

Значењето да се биде едуциран за оваа болест не може да се потцени: Ако ракот на дојка се открие во рана фаза, во 9 од 10 случаи може да се излечи, па оттука и важноста на раниот скрининг.

Сојузот на стопански комори на Македонија организира предавање кое ќе се одржи утре. Гости на предавањето се д-р Маја Јакимовска – радиолог, прим. д-р Васо Коруноски – гинеколог и Бојана Петровска – психолог.