Роланда Кадриу од Алијанса премина кај „огнените“ во ДУИ

Членката на Централното собрание на Алијансата за Албанците, Роланда Превала Кадриу, се приклучи на огнената група на ДУИ. Ова го објави предводникот на „огнените“ и потпретседател на ДУИ, Изет Меџити.

-Имаше средба меѓу мене и г. Роланда Превала Кадриут, член на Централното собрание на Алијансата за Албанците која гордо се приклучи на каузата што ја водиме!, напиша Меџити на Фејсбук.

„Огнените“ пред три дена одржаа голем митинг во Чаир во преполната сала „Шабан Трестена“ од каде упатија остри пораки кон врвот на партијата, а особено кон Артан Груби за кој инсиситираат да си даде оставка од вицепремиерската позиција и да ја напушти ДУИ.