Родителите на рускиот опозициски лидер Алексеј Навални, кој почина во руски затвор на 16 февруари, им се заблагодарија на илјадниците Руси кои му оддадоа почит на гробот во Москва каде што беше погребан.
„Нашата огромна благодарност и најдлабоките поздрави до сите оние кои дојдоа и продолжуваат да доаѓаат на гробиштата, носат цвеќиња, пишуваат за Алексеј, сетете се на нашиот син и молете се за него!“, порача денеска вдовицата Јулија Навалња од писмото потпишано од таткото на опозиционерот Анатолиј Навални и мајка му Људмила Навални, кои рекоа: „Ви благодариме што се сеќавате, тоа ни дава надеж“.
Од погребот на 1 март, илјадници Руси го покриваат гробот со планина од цвеќиња и доаѓаат секојдневно.
По смртта на Навални на 16 февруари во затвор на Арктикот, неговата мајка неколку дена се борела со руските власти да и го предадат неговото тело за погреб.
Тимот на Навални ги обвини руските власти дека го убиле и се обидуваат да ги прикријат трагите, што Кремљ го негира.
Јулија Навални, принудена да живее во странство за да го избегне затворот во Русија, вети дека ќе ја продолжи борбата на нејзиниот сопруг и ги повика неговите приврзаници да се соберат на избирачките места на 17 март, на последниот ден од претседателските избори во Русија.
