Рјабков: САД можат да воведат санкции против Русија поради Навални

Русија ја признава можноста Вашингтон да воведе санкции против Москва поради ситуацијата со Алексеј Навални, изјави денеска рускиот заменик министер за надворешни работи, Сергеј Рјабков.

– Санкции се сосема можни. Но, тоа не е причина да се промени нешто во нашиот пристап кој е апсолутно логичен и може да се објасни, истакна Рјабков.

Според него, санкциите станале доминантен инструмент на надворешна политика на САД.