Иако стана познат во раните 80-ти благодарение на филмот „Американски жиголо“, раните актерски денови на Ричард Гир (73) во Њујорк биле многу тешки.
„Мојот главен оброк беа јајцата“, се сеќава Гир на Page Six од неговите рани денови додека се бореше да се прослави во актерскиот свет.
Одењето во ресторан за него било сосема нереално, а тие времиња, како што признава, биле многу тешки, дури и очајни.
Во текот на 70-тите години како актер на самиот почеток на неговата кариера, обидувајќи се да го постигне тоа, гладувал.
„Имав доволно среќа да работам, но тогаш немаше многу актери кои заработуваа пари. На Бродвеј настапив за првпат. Всушност работев надвор од Бродвеј“, вели Гир.
Page Six разговараше со актерот, кој сега е елитен уметник од А-листата, на гала 40-годишнината на City Harvest на 42-та улица Cipriani, чиј потпретседател беше Гир.
„Во Њујорк никој не заработуваше пари. За жал, гладот беше нешто сосема вообичаено. Да се биде гладен беше норма за многу луѓе, а особено за актерите кои го започнаа своето патување во Њујорк. Затоа оваа организација е толку важна за мене“, рече тој за добротворната организација за храна City Harvest.
„Храната е животна потреба и на многумина не им е исполнета таа потреба во Америка. Сега сè е проклето скапо. Затоа, со задоволство помагам кога станува збор за добивање на хранлив оброк на луѓето. Тоа е основно човеково право“, додаде Гир.
